Ayotzinapa: Wokolil ta stojol jnop junetik ta Guerrero

Ta Ayotzinapa ta wakeb xcha´winik soy jukeb xcha´ winik ta Xchanlajunebal swakbajk´al ja´bil ta yuilal Septiembre te j-atel patanetik la yilbajik jnop junetik.

Te jnop junetike ayik ta Iguala yipalik ta stsobel tak´in ta yutil jtejklum yu´un ya stuuntesik. Ma´yuk yipal a lijk ta tsaktalanel yu´un poleciaetik, yanetike makajtik sitik te soldadoetike lanax sk´eluyik ma´yuk bin a spasik, ma´ skoltayik te la sk´anik koltayel te jnop junetike la yilbajinik ya yalik yu´un la jmilawetik, j-elek´etik, la spojbeyik xch´ajan tak´inik la yalbeyik yu´un la lok´ te leel yu´unik.

Ta yolil te spisil wokolile milot waktul krixianoetik jo´eb xcha´winik ejchenajemik jilel sok 43 ta jtul ch´ayemik ma xna´ot ba´aylan spisil te mach´atik ch´ayemik lok´ele ayik ta 17 sok 20 ya´bilalik spisilik yipal snopik jun yu´un ya xchap sbaik ta jnopeswanejetik.

Te j-atel jpatanetike la la yalik te ja´a spasik te wojk´ ‘‘krixianoetik jchon chopol ja´maletik, tujk´iletik, ta kaxlan k´op delincuencia organizada’’ ya kiltik de ma´ smeleliluk te bin ya yalike stukelik te j-atel jpatanetik a yuts´inik te jnop junetike, te jtul kereme chikan te bayal a uts´inote, luk´esbil spisil sti´balul sit tojol bak a jilesbot, lok´esbot sbak´ sit.

Te spisil te bin a k´ot ta pasele ja´ a spasik te atel jpatanetike ja´ yu´un stukel smulik, ja yu´un yipal sniksba spisil ants winiketik, jnop junetik, untik, juju wok´ tsoblejetik ta jujun jtejklum li ba jlumaltik Mexicoe sok ta yanetikxan tejklumetik yu´un ma jipuknax uts´inel k´axem a´ bayalix mach´a ch´ayembael, ja´ yu´un ma spas ya nax jmuk jnet´tik o ya jch´ay ta ko´tantik.

¡Kuxul a yik´ik bael kuxul ya jk´antik!